Sulmuesi shqiptar, Armando Dobra, ka nënshkruar një kontratë të re me Ipswich Town. Marrëveshja e arritur do të jetë e vlefshme deri më 30 qershor të vitit 2023 me opsion edhe për një vit shtesë, ndërkohë që kontrata aktuale e lojtarit skadonte pas një muaji.
19-vjeçari i lindur në Angli nga dy prindër shqiptarë, para disa kohësh u ftua me Shqipërinë U21 ku dhe është aktivizuar.
Për sa i përket karrierës së tij te klubi anglez, anësori është aktivizuar më së shumti me ekipin e dytë, por ka provuar të luajë edhe me ekipin e parë, e cila militon në ligën e tretë angleze.
