Këngëtarja e njohur shqiptare Çiljeta Xhilaga ka ndryshuar fenë shumë kohë më parë duke u kthyer kështu nga një e krishterë në një myslimane.
E ftuar së fundmi në emisionin e pasdites “Ftesë në 5” në Top Channel këngëtarja ka treguar edhe lutjet që thotë gjithmonë kur vendos kokën në sexhde, që normalisht lidhen me familjen e saj, djalin.
“Është një natë që nuk duhet humbur sepse ne e presim gjithë vitin që të vijë. Edhe ato që nuk dinë të falen, sugjeroj të rinjtë të vendosin sot kokën në sexhde (pjesë e riteve fetare islame) dhe të luten, sikurse dhe një bismilah. Dëgjoj shumë të rinj që thonë jo po s’di të falem dhe është e vështirë për të mësuar rekatet e namazit. Lutjet kryesore që unë them, janë që të kem një fëmijë të mirë, të jemi mirë me shëndet dhe të na ruaj zoti nga çdo gjë e keqe.”- ka thënë këngëtarja për Natën e Kadrit.
