Kapiteni i skuadrës së Turbinës, Xhulio Jaupi, i ka dhënë fund karrierës së tij futbollistike në moshën 27-vjeçare.
Mbrojtësi nga Elbasani, ka bërë të ditur se nuk do të jetë më pjesë e Turbinës në takimet e mbetura të kampionatit.
Jaupi pret të shkojë këto ditë në Itali, për t’u bashkuar me familjen e tij. Ky vendim ka qenë shumë i vështirë për kapitenin Jaupi, ndërkohë që largimi i tij ka trishtuar së tepërmi drejtuesit e klubit të Turbinës.
Gjithsesi, këta të fundit e kanë falënderuar dhe i kanë uruar një jetë sa më të mirë në Itali. Edhe Jaupi ka falënderuar klubin cërrikas dhe shokët e ekipit për mbështetjen që i kanë dhënë gjithmonë për sa kohë ka veshur fanellën e Turbinës./ PanoramaSport
