Instituti i Shëndetit Publik ka dhënë disa këshilla të vlefshme për përdorimin e maskave në këto kohëra virusi.
Përveç se me shkrim IShP ka bërë shpjegimin dhe me figura ilustruese dhe shprehet se ështe shumë e rëndësishme të dimë si të vendosim, përdorim, heqim maskën dhe se ku duhet ta hedhim atë pas përdorimit.
Më poshtë udhëzimi i plotë i ISHP:
Pastroni duart me solucion me bazë alkooli duke i fërkuar me njëra-tjetrën ose lajini me ujë e sapun.
Mbuloni fytyrën dhe hundën me maskën dhe sigurohuni të mos lini hapësira mes maskës dhe fytyrës. Gjatë përdorimit evitoni prekjen e maskës me duar; dhe nëse e prekni lani duart me ujë e sapun ose fërkojini me njëra-tjetrën me solucione me bazë alkooli.
Zëvendësoni maskën me një të re sapo të ndjeni që është e qullur dhe mos e përdorni përsëri maskën njëpërdorimshe.
Kur ju duhet ta hiqni maskën: hiqeni duke e kapur nga pas (mos e prekni maskën nga përpara); Hidheni menjëherë në një kosh të mbyllur, pastroni duart me solucion me bazë alkooli duke i fërkuar me njëra-tjetrën ose lajni me sapun.
