Rreth 3 muaj më parë, UEFA, vendosi të përjashtonte Manchester City-n nga çdo kompeticion evropian për dy vitet e ardhshme.
Një lajm ky që me siguri ishte i paralajmëruar për skuadrën angleze, por për pjesën tjetër të botës së futbollit erdhi si rrufe në qiell të hapur. Gjithsesi City nuk është pajtuar me këtë vendim dhe çështjen e ka çuar në Gjykatën e Arbitrazhit Sportiv (CAS), duke apeluar vendimin e UEFA-s.
Siç njoftojnë mediat evropiane, CAS do të marrë vendimin final për fatin e “Qytetarëve”, mes datave 8-10 qershor.
Te Man.City janë të bindur se me apelin e tyre do ta rrëzojnë vendimin e UEFA-s ndërsa nëse ndodh e kundërta do të ishte një goditje e rëndë për gjigandin anglez si nga pikëpamja sportive ashtu dhe në anën financiare.
