Ish-mbrojtësi i Arsenalit, Alex Song, ka treguar se në fillimet e karrierës së tij nuk ka ditur ta menaxhojë aspak mirë situatën financiare të tij, duke shpërdoruar të ardhurat.
Kamerunasi kaloi tetë sezone te “Topçinjtë”, ndërsa gjatë qëndrimit të tij atje, ai është kritikuar për sjelljen e tij jashtë fushave të lojës diçka që ai e ka pranuar edhe vetë.
Duke folur në një lidhje direkte në “Instagram”, Song tha: “Kalova tetë vite te Arsenali ndërsa katër vitet e fundit fitoja shuma të mëdha parash. Në ato kohë shpërdorova jashtëzakonisht shumë, shkoja në darka të shtrenjta, udhëtime dhe pushime të panevojshme e me radhë. Nuk mund të mbaja as 100.000 mijë paund në llogarinë time bankare. Mendoja se isha një milioner por nuk ishte realiteti edhe pse fitoja rreth 15.000 mijë paundë çdo javë.”
“Unë firmosa kontratën time të parë profesionale dhe u emocionova shumë, erdha në stërvitje dhe pashë Henry-n të mbërrinte me makinën e tij, e cila ishte një perlë. Më pas mendova se kisha nevojë për të njëjtën makinë duke mos marrë parasysh koston”.
“Meqenëse isha futbollist, unë thjesht firmosja disa letra dhe ata do të jepnin makinën, kështu përfundova me të njëjtën makinë si Henry . Pas dy muajsh kuptova që paratë e mia do të mbaronin dhe në vend të kësaj kërkova një Toyota.” -shpjegoi Song.
