NJë rast i pazakontë i trafikut të drogës është zbuluar së fundmi nga policia.
Burime bëjnë me dije se 11 mijë fara kanabis janë trafikuar nga Spanja drejt Shqipërisë, me anë të postës.
Mësohet se pakoja ka mbërritur në doganën e Tiranës se më 14 maj dhe kishte si destinacion Vlorën.
Pas dyshimeve është bërë këqyrja e pakos dhe në brendësi të saj janë gjetur 11 mijë fara kanabis sativa, konkretisht 7000 fara të cilësisë së lartë për kultivim me llamba elektrike dhe 4000 fara për mbjellje në natyrë.
Burime bëjnë me dije se pritësi i asaj pakoje ishte 30-vjeçari Olsi Çaushaj, banues në Vlorë, i cili është arrestuar nga uniformat blu. Ai akuzohet për veprën penale “Trafikim ndërkombëtar i lëndëve narkotike”
Mësohet se nga ana e Drejtorisë Hetimore Qendrore, në bashkëpunim me Prokurorinë e Rrethit Gjyqësor Tiranë, vazhdon puna hetimore për zbulimin e autorëve te tjerë të përfshirë në këtë veprimtari kriminale.
