Para pak minutash ka përfunduar mbledhja në Ministrinë e Brendshme mes drejtues të Policisë së Tiranës dhe Departamentit të Antiterrorit.
Mësohet se ministri i Brendshëm Sandër Lleshaj iu ka dhënë urdhëra të tijëve për sa i përket menaxhimit të situatës gjatë protestës së sotme në orën 16:30 për teatrin.
Në këtë protestë mësohet se do të angazhohen rreth 1 mijë efektivë.
Në shërbim të përforcuar do jenë gjithë komisariatet e Tiranës.
Po kështu FNSH, Renea dhe forca të gatshme nga qytetet e tjera do të jenë në të gatishmëri në rast se do ketë nevojë.
Aleanca për Mbrojtjen e Teatrit ka thirrur protestë sot në orën 16:30, pjesëmarrjen në të cilësn e ka konfirmuar deri tani edhe PD, LSI, PR, Lëvizja Vetëvendosje por edhe studentët përmes Unionit të Këshillave Studentore.
