Aleanca për Mbrojtjen e Teatrit ka nisur protestat pas shembjes së Teatrit Kombëtar, protestë e cila mbështet edhe nga opozita.
Kryetarja e LSI, Monika Kryemadhi në një intervistë për RTV Ora me gazetaren Beti Njuma, tha se nuk beson tek dhuna, por tek qëndresa dhe rezistenca.
“Duke shkatërruar godinën që ka qenë makthi i tij Rama bëri gabimin shumë të madh se me godinën varrosi veten dhe të ardhmen e Erion Veliajt”, tha Kryemadhi.
Beti Njuma: Ju e keni kosideruar një vijë të kuqe, u shkel. A duhet ta shpërndajë Parlamentin Kreu i Shtetit?
Monika Kryemadhi: Vërtet është vija e kuqe. Vija e kuqe nuk do të thotë që ne do marrim armët për të qëlluar Ramën, as do shkojmë në Surrel. Por asgjë nuk është e përjashtuar nëse revolta dhe frustimi i njerëzve do të rritet. Unë nuk besoj tek dhuna. Unë nuk besoj tek shkatërrimi. Unë jam luftëtare edhe sakrifikuese, por nuk besoj tek dhuna. Sepse dhuna që do bëjmë ne do viktimizojmë një kriminel. Unë besoj tek rezistenca dhe qëndresa, besoj tek morali i kësaj lëvizje.
