Melania Trump dhe presidenti Donald Trump pritën sot të rinj “skautistë” në Shtëpinë e Bardhë, të cilët kanë ndihmuar në krizën e koronavirusit në SHBA. Por në pritjen në kopshtin e Shtëpisë së Bardhë, Melania dhe presidenti nuk mbanin maska në fytyrë teksa takonin vajzat vullnetare, infermieret dhe disa pronarë biznesesh.
Presidenti Trump u dha atyre çertifikata vlerësimi dhe bëri foto me to.
Sot unë dhe presidenti pritën në Shtëpinë e Bardhë disa nga heronjtë e Covid-19. Ne dëgjuam historitë e tyre të unitetit e patriotizmit, që kanë frymëzuar qytetarët amerikanë” – shkroi ajo në rrejete sociale pas takimit.
Zonja e parë disa javë më herët shpërndante në rrjetet sociale mesazhe inkurajimi për mbajtjen e maskave duke nxitur amerikanët për t’i mbajtur ato në publik.
Përdoruesit e mediave sociale reaguan me zemërim ndaj Melanias, duke përmenduar faktin se nuk mbante masjkë në fytyrë.
“Si mund të tregosh simpati ndaj skautistëve pa mbajtur maskë në fytyrë?”, “Ajo vajza e vogël me maskë është i vetmi person inteligjent aty”, “Më vjen mirë që skautistja është aq inteligjente sa mban një maskë” – janë këto vetëm disa nga komentet drejtuar Melanias.
Kujtojmë që Presidenti Trump ka refuzuar të mbajë maskë gjatë gjithë kohës së pandemisë.
