Dështimi i OBSH-së në përgjigjen e saj kundër pandemisë së Covid-19 ka marrë shumë jetë, tha sot Sekretari amerikan për Shëndetësinë, Alex Azar, në ditën e parë të takimit vjetor të kësaj organizate.
“Le të jemi të sinqertë për njërën nga arsyet kryesore që e bëri epideminë të dilte jashtë kontrollit tonë: kjo organizatë dështoi në marrjen e informacionin që i duhej botës dhe ky dështim i saj kushtoi shumë jetë njerëzore”, tha ai.
“Mënyra se si funksionon OBSH-ja duhet të jetë transparente dhe ne mbështesim rishikimin e pavarur të çdo aspekti të përgjigjes së OBSH ndaj pandemisë”, shtoi Azar.
OBSH akuzohet nga SHBA se ka lënë pas dore një paralajmërim të hershëm nga Tajvani për seriozitetin e koronavirusit, i cili u shfaq në fund të dhjetorit në Kinë, gjë që mohohet nga agjencia e OKB-së.
