Michael Jordan konsiderohet gjerësisht si lojtari më i mirë në historinë e basketbollit duke mos njohur rivalë në këtë sport. Jordan ka thyer shumë rekorde në botën e basketbollit dhe është përgjegjësi kryesor për përhapjen masive të këtij sporti përtej Shteteve të Bashkuara.
Megjithëse ai aktualisht nuk është lojtar aktiv, kjo nuk do të thotë se nuk vazhdon të thyejë rekorde. Atletet ikonike “Nike Air Jordan I” që ai kishte veshur në një ndeshje basketbolli në vitin 1985, janë shitur në një ankand në internet për çmimin rekord prej 560 mijë dollarësh.
Rekordi i mëparshëm ishte 437 mijë dollarë për një palë atlete Nike të vitit 1972.
