La Liga u ka bërë të ditur klubeve se ata do të jenë në gjendje të intensifikojnë seancat stërvitore duke nisur nga dita e hënë (18 maj).
Qeveria spanjolle ka publikuar protokollin që do të lejojë seancat e trajnimit të zgjerohen për të gjitha klubet, madje edhe për ato klube që ndodhen në zonat më të rrezikuara nga Covid-19.
“Kjo do të thotë se skuadra si Real Madrid, Barcelona dhe Aletico Madrid e me radhë do të jenë në gjendje të stërviten në grupe prej 10 futbollistësh, – ka thënë një burim i La Liga për AFP.
Këto masa lehtësuese vijnë si një shtysë për shpresat e La Ligës për të rifilluar sezonin në mes të qershorit. Presidenti i La Ligës, Javier Tebas, ka përmendur 12 qershorin si momentin ideal për kthimin e futbollit, por pranoi se data e saktë do të varet nga autoritetet shëndetësore në Spanjë dhe trajektorja e virusit.
