Të shtëna me armë zjarri janë regjistruar mbrëmjen e kësaj të diele në Mamurras, Kurbin
Burime bëjnë me dije se dy persona kanë mbetur të plagosur, në rrethana ende të paqarta.
Mësohet se të plagosurit janë shtetasit K.L. dhe E.Z., të dy 21 vjeç, banues në Mamurras Përsonat e plagosur janë nisur drejt spitalit të Traumës, për trajtim më të specializuar.
Policia njofton se ka bërë të mundur identifikimin e autorit të ngjarjes, konkretisht shtetasi E.N, 22 vjeç.
Sakaq policia ka ngritur pika kontrolli dhe vijon krehja e zonës për kapjen e tij.
Grupi hetimor ndodhet në vendngjarje dhe nën drejtimin e Prokurorisë vijon puna për zbardhjen e plotë të shkakut dhe rrethanave të ngjarjes.
