Bundesliga rifilloi sezonin 2019-2020, pas një pezullimi më shumë se 2 muaj, teksa u luajtën gjashtë ndeshje të vlefshme për javën e 26-të të kampionatit.
Sipas mjekëve sportivë, kjo ndalesë e gjatë pritej të sillte edhe probleme fizike te lojtarët, dhe këto paralajmërime janë konfirmuar që në ndeshjet e para.
Në sfidat e zhvilluara ditën e djeshme janë dëmtuar plot 8 lojtarë teksa një nga ta është mesfushori i kombëtares shqiptare, Klaus Gjasula.
Talenti amerikan i Dortmundit, Giovanni Reyna, do të debutonte ditën e djeshme me klubin verdhezi, por 17-vjeçari pësoi një dëmtim gjatë nxehjes dhe nuk mundi të luajë. E njëjta gjë ndodhi edhe me Torgan Hazard, i cili luajti dhe shënoi, ndërsa u zëvendësua pas problemeve të pësuara.
Të dëmtuarit e tjerë janë, Todibo i Shalkes, Rudi i Hofeneim, Skjelbred i Herta Berlinit, Bebu i Hofenheim dhe Thuram i Gladbah. Gjasula pësoi një dëmtim që në pjesën e parë, teksa vendosi që në pjesën e dytë të mos luante.
