Edhe kryetari i PDIU-së, Shpëtim Idrizi iu është bashkuar kryedemokratit Lulzim Basha dhe kryetares së LSI-së, Monika Kryemadhi te bulevardi para ministrisë së mbrojtjes në shenjë proteste dhe rezistence këtë pasdite.
Ai tha se opozita do të jetë në mbështetje të tyre dhe do të organizojë çdo ditë protesta.
“Ne do të jemi çdo ditë në mbështetje të protestave të qytetarëve të Tiranës që tashmë nuk po reagojnë thjesht dhe vetëm për teatrin, por për demokracinë. Ne si opozitë e bashkuar do organizojmë protesta përditë. Nëse flasim për pandemi ne e shikojmë sjelljen e policisë arrogantë. Është detyrë e opozitës të bëjë sakrifica të mëdha. Nëse opozita nuk e bën do të thotë që opozita duhet të ikë në shtëpi dhe të dalin qytetarët.” tha Idrizi.
