Eugenie Bouchard cilësohet si një nga sportistet më bukuroshe të botës së sportit. Fama e tenistes 26-vjeçare shkon përtej rezultateve të saj në fushën e tenisit, dhe për këtë arsye ajo numëron rreth 2.1 milionë fansa në llogarinë e saj në “Instagram”.
Por disa fansa duken se janë të bëjnë çmendurira për të kaluar një darkë me bukuroshen kanadeze. Një prej tyre ka paguar 85 mijë dollarë vetëm për të darkuar me Bouchard. Në fakt gjithçka ishte pjesë e një ankandi, ku 37 persona të ndryshëm kanë ofruar shumën e tyre.
Të gjithë paratë e grumbulluara do të shkojnë për fondacionin amerikan të bamirësisë, “15 Seconds of Fame”. Nga ana tjetër fituesi i ankandit, mund të shkojë në çdo turne tenisi për të parë ndeshjet e Eugenie, së bashku me një person tjetër, si dhe do të ketë mundësinë t’i shohë ndeshjet pranë stafit të tenistes.
