Vendet në të gjithë Evropën fillojnë të lehtësojnë kufizimet e bllokimit, ndërsa autoritetet në Greqi, Francë e Itali, po rihapin plazhet.
Greqia ka njoftuar hapjen e më shumë se 500 plazhe në vend. Kryeministri Kyriakos Mitsotakis tha se sezoni i turizmit në Greqi të fillojë në korrik.
Tani për tani, pushuesve u kërkohet të respektojnë rregullat e distancimit shoqëror në plazh. Jo më shumë se 40 njerëz lejohen për 1.000 milje katrorë.
Rregullat e qeverisë gjithashtu kërkojnë që rojet detare të kujdesen që çadrat të jenë të vendosura katër metra larg dhe shezlonget jo më afër se një metër.
Po ashtu edhe Italia ka vendosur hapjen e plazheve me 3 qershor, duke hequr rregullat e karantinës për të ardhurit. Ndërkohë në Francë kjo është fundjav eparë e lehtësimeve të bllokimeve, ndërsa Sllovenia u bë vendi i parë Europian që hapi kufijtë e saj. Në Evropën verilindore, Letonia, Lituania dhe Estonia po krijonin “flluskën e Balltikut” të tyre duke lejuar lëvizjen e lirë midis tre vendeve.
Qeveria hungareze gradualisht do të heqë kufizimet e bllokimit në Budapest nga e hëna, dy javë pasi ajo përfundoi bllokimin në pjesën tjetër të vendit.
Ndërkohë në Shqipëri policia nuk lejon të shkosh në plazh, dhe po kështu vendi është ndarë në zonat e gjelbra dhe ato të kuqe. Te këto të fundit vijon aplikimi i masave kufizuese, ku qarkullimi lejohet deri në orën 17:30, ndërsa parku i Liqenit është vendosur në kontrollin e plotë të policisë, ku nuk kanë munguar edhe rastet e dhunës ndaj qytetarëve që kapen duke ecur në këtë zonë.
