Bleona Qereti ka festuar dje (14 maj) ditëlindjen e 35-të. Mes urimeve të shumta nga fansat, miqtë dhe kolegët, Bleona ka marrë edhe një dhuratë shumë të veçantë nga familjarët.
Dy prindërit, Oli dhe Nazmiu i kanë bërë dhuratë këngëtares një tortë, e cila ishte dizajnuar në formën e yllit të “Walk of Fame”, ku në mes gjendej fotografia e Bleonës. Këngëtarja ndau me ndjekësit në Instagram disa fotografi nga befasia e këndshme që i bënë prindërit, duke i falënderuar përzemërisht ata.
“Nuk kam fjalë për të shprehur mirënjohjen dhe dashurinë time për heronjtë e mi Oli Qereti dhe Nazmi Qereti, për këtë dhuratë të mrekullueshme…faleminderit për gjithçka që bëni dhe gjithçka që jeni! Një ditë ….. do të jetë e vërtetë” – shkruan Bleona krahas fotos.
