Izolimi për shkak të pandemisë COVID-19, vendosi pjesën më të madhe të shqiptarëve në vështirësi ekonomike. Por ndërkohë që punonjësit e bizneseve përfituan nga pekatat e qeverisë, jashtë tyre mbetën artistët, si dhe shumë grupe të tjera.
Tashmë pjesë më e madhe e bizneseve i janë kthyer aktivitetit, edhe pse me shumë vështirësi për shkak të mungesës së klientelës nga masat e qeverisë për parandalimin e COVID-19. Por jo artistët, ata me shumë mundësi do të jenë edhe për disa muaj pa punë, pasi vendet si Teatri konsiderohen me risk të lartë të infektimit me COVID-19. Por edhe pse janë një ndër shtresat më të goditura nga kjo pandemi, ndihma nga qeveria ishte zero, madje kreu i saj as nuk merr mundim për t’iu kthyer një përgjigje.
Në 21 prill një grup artistësh i dërguan një letër publike kryeministrit Edi Rama ku i shprehnin shqetësimet e tyre në situatën e vështirë ku ndodheshin për shkak të mbylljes së aktiviteteve artistiko-kulturore dhe i bënë kërkesë për t’u përfshirë në paketat e ndihmës ekonomike, ose siç e quan vetë kryeministri në pagën e luftës.
“Ne duam të kontribojmë për artin dhe kulturën në vendin tonë dhe nuk duam të emigrojmë, apo të detyrohemi të kërkojmë mënyra të tjera jetese, në pamundësi për të ushtruar profesionin për të cilin kemi investuar. Ndaj shteti shqiptar ka përgjegjësi për të mbështetur edhe kategorinë tonë në këto kritere.
Ndërsa në vendet e tjera të Europës nevoja e veçantë për mbështjetje për kulturën dhe artistët ka qenë ndër të parat që është adresuar, tek ne qeveria juaj pas më shumë se pesë javësh karantine dhe bllokimi të çdo aktiviteti artistik, ende nuk ka planifikuar përkrahjen financiare të këtij sektori, e konfirmuar edhe në deklaratat tuaja të fundit.”- shkruhej ndërt të tjera në letër.
Asnjë përgjigje nga kryeministri artist për artistët, por 6 ditë më vonë, më 27 prill kontaktohen nga ministria e Kulturës, e cila u komunikon se shqetësimi po shqyrtohet dhe po hartohet një plan për ta. Në datën 6 Maj, grupi i artistëve i ka dërguar një tjetër e-mail ministrisë së Kluturës për ta pyetur si po shkonte “hartimi i strategjisë” dhe se si mund të kontribuojnë për këtë plan që i prek drejtpërdrejtë para se të miratohet.
Ndërkohë që kanë kaluar 24 ditë për kryeministrin dhe 18 ditë për ministrinë e Kulturës heshtja vazhdon dhe artistët mbeten ende pa përgjigje.
Sot ata kanë zhvilluar një protest simbolike, siç mund ta shihni te videoja e mëposhtme, duke vendosur pankarta te kangjellat e Ministrisë së Kulturës, ku në një prej tyre lexohet “Kur do flasim?”, apo “Po presim përgjigje!”.
Ndoshta për ministren e Kulturës Elva Margariti dhe për kryeministrin Edi Rama në këtë kohë është më e rëndësishme prishja e Teatrit Kombëtar sesa situata e vështirë ku ndodhen artistët. Madje atyre nuk iu interson nëse ata zgjedhin si rrugën e vetme largimin nga vendi për shkak se nuk ndihmohen nga qeveria./E.B./BoldNews.al
Më poshtë letrën publike drejtuar kryeministrt:
