Trajneri portugez, Jose Mourinho, ka detajuar me profesionalizëm se si arriti ta ndalë Barcelonën e vitit 2010, që për shumë konsiderohet si skuadra më e mirë e të gjitha kohërave.
‘Special One’ është një gjeni kur bëhet fjalë për formulimin e planeve për ndeshjet me vajtje-ardhje, siç janë ato të Ligës së Kampioneve.
Interi i Mourinhos u përball me Barcelonën e fuqishme për një vend në finalen e Ligës së Kampionëve. Ndeshja e parë u zhvillua në Giuseppe Meazza dhe skuadra e tij siguroi një rezultat mbresëlënës, duke mposhtur 3-1 Barçën falë golave nga Maicon, Ëesley Sneijder dhe Diego Milito.
Dhe, Mourinho ka shpjeguar me anë të një video interesante sesi Interi i tij arriti të përballojë Barcelonën në ndeshjen e dyte duke arritur finalen e madhe.
Mourinho formoi një diamant në mesfushë për të kufizuar hapësirën për Barcelonën. Mesfushorët e tij qendrorë ishin në komunikim të vazhdueshëm me krahun e majtë të mbrojtjes, në mënyrë që të ndalonin kërcënimin e Lionel Messit. Ai krijoi një “burg” për të shfuqizuar argjentinasin.
Tekniku portugez cilësoi si “të fortë mendërisht” dyshen, Thiago Motta dhe Esteban Cambiasso, për rolin e tyre si “digë” përballë furisë së sulmit të frikshëm të Barcelonës.
Mourinho vazhdoi duke sqaruar se si skuadra e tij eliminoi Barcelonën. Ai shfrytëzoi plotësisht sulmet me lojtar të mençur dhe me ritëm të lartë si Maicon dhe Samuel Eto’o, ndërsa identifikoi Maxëell të Barcelona si një pikë e dobët. Ai e dinte se braziliani nuk ishte aq i fortë në një situatë mbrojtjeje ndaj Maicon dhe e urdhëroi këtë të fundit ta sulmonte vazhdimisht patriotin e tij.
Eto’o ishte shumë i shpejtë duke krijuar shumë hapësira për dyshen Pandev dhe Sneijder, të cilët krijonin sulmuesin e tretë gjatë kalimeve nga mbrojtja në sulm, një taktikë që Mourinho beson se Barcelona nuk mund ta përballonte.
Interi përfundimisht arriti në finale pas një fitore totale me rezultat 3-2 ndaj Barcelonës dhe mundi Bayern Munich në një tjetër paraqitje perfekte për t’u bërë kampionë të Evropës në vitin 2010.
https://twitter.com/CoachesVoice/status/1125098080712495106?ref_src=twsrc%5Etfw%7Ctwcamp%5Etweetembed%7Ctwterm%5E1125098080712495106&ref_url=https%3A%2F%2Ftelegrafi.com%2Fmourinho-shpjegon-se-si-interi-mposht-barcelonen-ne-ligen-e-kampioneve-2010-nga-ngjeshja-e-mesfushes-bllokimi-messit-dhe-zbulimi-pikave-te-dobeta%2F
