Një person ka mbetur i plagosur me armë zjarri në Selenicë të Vlorës këtë pasdite, konfirmuan burime zyrtare nga policia lokale.
I lënduari është Jetnor Xhaferraj, rreth 50 vjeç, dhe ndodhet jashtë rrezikut për jetën.
Referuar raportimeve në media, ai është qëlluar nga një fuoristradë në lëvizje, ndërkohë, policia njofton zyrtarisht se ngjarja ka ndodhur “në rrethana ende të paqarta“.
“Rreth orës 11:45, në rrethana ende të paqarta shtetasi J.Xh, rreth 50 vjeç, dyshohet se pranë banesës së tij është plagosur me armë zjarri në dorë dhe ndodhet jashtë rrezikut për jetën. Shërbimet e Policisë dhe Grupi hetimor ndodhen në vendin e ngjarjes dhe po kryejnë veprimet për zbardhjen dhe sqarimin e rrethanave të ngjarjes”, njoftoi policia.
