Berati është kthyer në qendër të vëmendjes për shkak të rasteve të fundit të konfirmuar me koronavirus. Këtë të premte janë konfirmuar pesë raste të reja me Covid 19, duke e çuar në 10 numrin e të infektuarve në këtë qytet.
“Abc News” raporton se rastet e reja janë familjarë të punonjëses së bashkisë të konfirmuar një ditë më parë, me koronavirus. Konkretisht të konfirmuar pozitiv me Covid 19 janë nëna, babai, motra, vëllai dhe vajza e saj.
Ndërkohë sot është konfirmuar dhe një tjetër rast i ri në Krujë.
Në Krujë, nga 22 teste të kryera, vetëm një ka rezultuar pozitiv ndërkohë që priten dhe rezultatet për 16 të tjerë.
Sipas bilancit të njoftuar një ditë më parë nga Ministria e Shëndetësisë, 173 persona janë të infektuar aktivë në vend.
