Andriy Shevchenko është një legjendë e skuadrës së Milanit. Ish-sulmuesi ukrainas bëri historinë me skuadrën italiane duke fituar gjithçka.
Dashuria e tij për Milanit ka mbetur e njëjtë dhe nuk ka rëndësi nëse kanë kaluar shumë vjet e nëse ka kaluar nga fusha e gjelbër është zhvendosur në pankinë. Andriy Shevchenko vazhdon ta imagjinojë veten te kuqezinjtë:
“Gjithmonë mendimi im i parë do të jetë që të kthehem në Milano për të provuar të jem trajner. Milani është në zemrën time, i dua fansat dhe do të doja që një ditë të stërvit futbollistët atje. Të shohim se kur do të ndodhë. Tani po mendoj vetëm për Ukrainën, jam i përqendruar vetëm në ekipin tim kombëtar”. i tha ukrainasi Carlo Pellegattit “live” në Instagram.
