Organizata Botërore e Shëndetësisë ka deklaruar se Covid-19 mund të mos zhduket kurrë. Duke folur nga një konferencë për shtyp drejtori i urgjencave të OBSH-së, Dr Mike Ryan hodhi poshtë zërat se virusi mund ta largohej.
Ai shtoi se edhe nëse gjendet një vaksinë, do të kërkohet një përpjekje masive e të gjithë vendeve për ta vënë nën kontroll virusin.
“Është e rëndësishme të nënvizohet se ky virus mund të bëhet një tjetër virus endemik në komunitetet tona. Madje ky virus ndoshta nuk mund të zhduket kurrë”, citohet dr. Ryan nga BBC.
Deri tani, në mbarë botën janë raportuar 4 milion e 429 mijë e 969 raste dhe 298 mijë e 180 të vdekur me Covid-19.
