Një sherr mes disa familjarëve është regjistruar në qytetin e Krujë dhe për pasojë janë arrestuar dy persona dhe dy të tjerë janë proceduar në gjendje të lirë.
Mësohet se dy kushërinjtë Sh. V., 40 vjeç dhe D. V., 29 vjeç kanë dhunuar xhaxhain e tyre shtetasin S. V., 66 vjeç, si dhe i kanë vënë zjarrin një baze ushqimore për blegtorinë në pronësi të këtij shtetasi.
Burime zyrtare bëjnë me dije se kushërinjtë Sh. V. dhe D. V. janë vënë në prranga, ndërsa xhaxhai i tyre S. V. si dhe vëllai i tij N. V., 69 vjeç janë proceduar në gjendje të lirë.
Ata akuzohen për veprat penale “Dhuna në familje” dhe “Shkatërrim i pronës me zjarr”.
Materialet i kaluan Prokurorisë së Rrethit Gjyqësor Krujë.
