Tre viktima, 20 raste të reja dhe 24 të shëruar është bilanci i COVID-19 në 24 orët e fundit në Maqedoninë e Veriut.
Autoritetet vendase të shëndetësisë njoftuan se gjatë 24 orëve të fundit janë testuar 309 persona dhe 20 prej tyre kanë rezultuar pozitiv.
Rastet e reja janë: 10 në Shkup, 5 në Prilep, 4 në Tetovë dhe një në Veles.
Në Maqedoninë e Veriut kanë ndërruar jetë dhe tre persona të tjerë me COVID-19. Në Klinikën Infektive në Shkup ka ndërruar jetë paciente e moshës 59 vjeçe nga Prilepi. Në Spitalin e Përgjithshëm në Veles ka ndërruar jetë një 76 vjeçar nga Velesi. Një grua e moshës 68 vjeçe nga Tetova ka ndërruar jetë rrugës drejt Klinikës Infektive në Shkup.
Gjatë 24 orëve të fundit, betejën me COVID-19 në Maqedoninë e Veriut e kanë fituar dhe 24 pacientë të tjerë.
Me statistikat e fundit, në Maqedoninë e Veriut gjithsej me Covid-19 janë infektuar 1 694 persona prej të cilëve 1 229 janë shëruar, kurse 95 kanë ndërruar jetë. Për momentin ka 370 raste aktive me Covid-19.
