Konfirmohet pozitiv me koronavirus Një zyrtar i ministrisë së Drejtësisē në Kosovë ka rezultuar pozitiv me COVID-19.
Lajmin e ka bëtë të ditur vetë ministria e Drejtësisë, përmes një postimi në rrjetet sociale, ku theksohet se rasti i zyrtarit është rast kontakti.
Njoftimi i Ministrisë së Drejtësisë:
“Ministria e Drejtësisë ju njofton se gjatë ditës së hënë, më datë 11 maj 2020, pas testimit për Covid 19 nga IKSHPK-ja, një zyrtar i MD-së ka rezultuar pozitiv dhe i njëjti është karantinuar sipas udhëzimeve të Institutit. Rasti i zyrtarit është rast kontakti.
Ministria e Drejtësisë ju njofton se të gjithë zyrtarët e tjerë të cilët kanë pasur kontakte me zyrtarin e identifikuar me Covid 19, janë karantinuar dhe pritet që ditët në vijim të testohen nga IKSHPK-ja.
Ministria e Drejtësisë do ndërmarr të gjitha masat e parapara, duke dezinfektuar hapësirat e punës dhe duke vendosur masa higjenike në ambientet e MD-së”, thuhet në njoftim.
Deri më tani në Kosovë, numri në total i të infektuarëve me COVID-19 ka arritur në 895 persona, prej të cilëve 657 janë shëruar, ndërsa 28 persona fatkeqësisht kanë ndërrruar jetë.
