Akoma nuk ka një vendim nëse kampionati do të rinisë, por lëvizjet në klubet e Superiores kanë nisur, Teuta ka njoftuar se ka mbyllur bashkëpunimin me një nga prurjet e janarit, sulmuesin Idelino Gomes, i cili nuk është se la gjurmë me “Djemtë e Detit”.
“Zyrtare: Idelino Gomes largohet nga Teuta. Klubi njofton se nga sot sulmuesi ka përfunduar aventurën e tij me ekipin e Teutës. KF Teuta falënderon Gomes për kontributin e dhënë me fanellën e Teutës dhe i urojmë futbollistin të ketë shëndet dhe shumë suksese në vazhdim të karrierës së tij”, thuhet në njoftimin e Teutës.
