Festivali ndërkombëtar “Eurovision” u publikua në Youtube për shkak të pandemisë së koronavirusit dhe kishte shumë herë më pak shikues se ç’do të kishte në një mbrëmje normale po të mbahej në Rotterdam.
Arilena Ara përfaqësoi Shqipërinë me audion e këngës “Fall from the sky” në natën e dytë të festivalit, në pamundësi për ta përgatitur në kohë videoklipin. Ndërkohë, mbrëmë u publikua në Youtube videoklipi zyrtar i kësaj kënge.
Fituesi i festivalit u shpall grupi “Daði og Gagnamagnið”, përfaqësues i Islandës me këngën “Think about things”.
Në 5 vendet e para u renditën Islanda, Lituania, Rusia, Suedia dhe Belgjika. Shqipëria arriti të kualifikohej në finale dhe u rendit në vendin e fundit me 63 pikë, 26 pikë nga juria dhe 37 pikë nga televotimi.
