Sot u raportuan 4 raste të reja me COVID-19 në vendin tonë, ku një prej tyre i përkiste Beratit.
Ka një rikthim të virusit në këtë qytet pasi Berati ishte shpallur zonë e gjelbër për shkak se nuk kishte me raste me koronavirusi.
Për rastin e ri, burime bëjnë me dije se bëhet fjalë për një punonjëse e Ujësjellës Kanalizime në Berat. Ajo kishte shfaqur shqetësime prej një jave dhe ka rezultuar pozitive pas tamponit, ndërsa aktualisht ndodhet e karantinuar në banesën e saj.
Gjithësej në vendin tonë janë konfirmuar 876 persona me COVID-19, prej të cilëve 163 janë aktualisht aktivë, kurse 31 kanë ndërruar jetë.
