Paul Pogba pritet të largohet nga skuadra e Manchester United gjatë muajve të verës. Për 27 vjeçarin tre janë destinacionet e mundshme, ku garës për shërbimet e tij përveç Real Madridit dhe Juventusit i është bashkuar edhe PSG-ja.
Por duket se Pogba i ka mbyllur derën vetes, pasi kërkesat e tij financiare janë shumë të larta. Mesfushori francez do që të përfitojë 9 milionë euro në sezon sipas asaj që shkruan “Dailymail”, por Juventusi nuk ka ndërmend të pranojë diçka të tillë.
Dy ekipet e vetme që mund të mbeten në garë për të janë Real Madridi dhe PSG. Spanjollët shtyhen gjithnjë e më shumë nga trajneri Zidane, ndërsa francezët duan të krijojnë një mesfushë fantastike me Pogbanë dhe Verratin.
