Alberto Aquilani dhe Michela Quattrociocche janë ndarë pas 12 vitesh me njeri tjetrin. Çifti ishin njohur me njëri-tjetrin në vitin 2008 ndërsa në 2012 e kurorëzuan lidhjen e tyre në martesë.
Ata janë prindër të dy vajzave dhe ndarja, sikurse edhe thonë ata, ka qenë e pashmangshme.
“Në këtë moment të vështirë do kishim preferuar heshtjen. Vendosëm të pajtohemi me njëri tjetrin dhe me shumë respekt të ndaheshim. Ishte një zgjedhje e ndërgjegjshme, e vuajtur, por e pashmangshme.”
“Do mbetemi të lidhur mes njëri-tjetrit dhe jemi krenarë si prindër, që kemi ndërtuar një familje të bukur me dy vajza të mrekullueshme, të cilat gjithmonë do të jetë në qendër të jetës sonë”, deklarojnë Alberto dhe Michela.
Aquliani ka luajtur për pesë sezone me skuadrën e Romës, ndërsa ka pasur eksperienca të shkurtra edhe me Juventusin, Milanin dhe Liverpool-in. Me kombëtaren e Italisë ai ka bërë 38 paraqitje.
