Një 39 vjeçar është arrestuar nga Policia e Durrësit dhe Interpol Tirana pasi është i dënuar nga autoritetet italiane për për trafikim të lëndëve narkotike.
Në pranga është vënë shtetasi Genci Maksuti banues në Durrës.
Ky shtetas ishte shpallur në kërkim ndërkombëtar nga Interpol Roma/Itali, pasi Gjykata e Romës/Itali, në vitin 2018 e ka dënuar me 6 vjet e 6 muaj, për kryerjen e veprës penale të “Trafikim i lëndëve narkotike”.
Interpol Tirana, në bashkëpunim me Interpol Romën, po vijon procedurat për ekstradimin e këtij shtetasi drejt Italisë.
