Trajneri i Interit, Antonio Conte, ka deklaruar se N’Golo Kante është “një nga lojtarët më të mirë që ka stërvitur ndonjëherë”, ndërsa përshkroi aftësitë e mahnitshme të francezit në mesfushë.
Kante ishte një nga blerjet e para të Conte në kohën e tij në “Stamford Bridge”, me blutë e Londrës që shpenzuan 32 milionë paundë për ta marrë në verën e vitit 2016 nga Leicester.
Conte ka deklaruar thotë se prania e Kante në mesfushë bëri që të dukej sikur Chelsea kishte 12 lojtarë në fushë. “Sipas mendimit tim, ai mund të luajë në çdo pozicion të mesfushës. Ne po flasim për një lojtar të mahnitshëm, një lojtar të nivelit të lartë.”
“Ai është i mahnitshëm në lojën me dhe pa top. Kur e keni N’Golo në ekipin tuaj, mund të mendoni se po luani me një lojtar më shumë se kundërshtari. Ju mund të gjeni buzëqeshje në fytyrën e tij, çdo ditë. Ai është një djalë shumë pozitiv, një nga lojtarët më të mirë në mos më i miri që kam pasur në karrierën time si trajner”. tha Conte për “Sky Sports”.
Fituesi i Kupës së Botës, që tashmë ka luajtur 164 ndeshje, në të gjitha garat, për Chelsea, duke shënuar 11 gola, ka në plamaresin e vet dy titujt të Premier League, një “FA Cup” dhe një “Europa League”.
