Një aksident automobilistik është regjistruar paraditen e kësaj të hëne në qytetin bregdetar të Vlorës.
Mësohet se një automjet tip “Mercedes Benz”, ka përplasur një këmbësore në rrugën “Transballkanike”.
Këmbësorja rreth 60 -vjeçarja, ka mbetur e plagosur dhe është dërguar në spital për të marrë ndihmën mjekësore.
Mësohet se ajo është jashtë rrezikut për jetën.
Sipas informacionit paraprak, bëhet me dije se 60-vjeçarja i ka zënë rrugën mjetit që drejtohej nga një grua, ndërsa ka qenë e pamundur të shmanget përplasja.
Policia po punon për zbardhjen e plotë të ngjarjes.
