Asambleja e Përgjithshme e FSHF, e vitit 2020, po mbahet në këto momente, dhe gjithçka ka nisur me himnin kombëtar, për të vijuar më pas me nderimin e atyre personaliteteve të futbollit që kanë humbur jetën vitin e fundit.
Gjatë asamblesë do të votohet për buxhetin deri në asamblenë tjetër, në maj të vitit 2021. Votimi këtë herë për shumë çështje do të bëhet në mënyrë elektronike. Fjalën i pari e mori presidenti i FSHF, Armand Duka.
“Pasojat që solli pandemia COVID-19 kanë qenë të rënda për gjithë botën. Pandemia e shpallur krijoi probleme dhe ndaloi për rreth dy muaj çdo aktivitet, duke përfshirë edhe lojën tonë të dashur, futbollin. Fillimisht do të doja të falënderoja të gjithë komunitetin e futbollit për respektimin rregullave për mbrojtjen e shëndetit. Na është dashur të gjithëve të bëjmë sakrifica për ta kaluar me sa më pak dhimbje. Shpresoj që pjesa më e keqe të ketë kaluar tashmë dhe shumë shpejt t’i rikthehemi normalitetit. Mbi të gjitha uroj që shumë shpejt t’i rikthehemi terreneve sportive, për të rifilluar aktivitetin, për t’i dhënë sportdashësve tanë atë që i mungon më shumë; kënaqësinë e lojës së dashur të futbollit”, tha fillimisht kreu i FSHF-së, fjalën e të cilit mund ta shihni të plotë në videon e mëposhtme.”
https://www.youtube.com/watch?v=v9bNhNyXa2U&feature=emb_title
