Në shtetet e Bashkuara të Amerikës është shënuar numri më i ulët i viktimave nga koronavirusi që prej muajit mars.
Në 24 orët e fundit kanë ndërruar jetë 776 persona për shkak të COVID-19 duke e çuar në 79.528 numrin total të viktimave në vend.
Kjo shifër është shumë herë më e ulët se një ditë më parë ku u shënuan 1568 viktima, sipas të dhënave të Johns Hopkins University.
Numri i të infektuarve në toal në ShBA ka arritur në 1 329 799 persona. New York-u është më i prekuri me 26 641 persona të vdekur.Tre pjesëtarë të Task Forcës së Shtëpisë së Bardhë për koronavirusin janë në vetëkarantinim për dy javë pasi janë ekspozuar me gjasë ndaj sëmundjes.
Drejtori i Institutit Kombëtar për Alergji dhe Sëmundje Infektive të SHBA-së, Anthony Fauci është vetëizoluar, së bashku edhe me dy anëtarë të tjerë të Task Forcës së SHBA-së për koronavirus, pasi kanë pasur kontakt me një person të infektuar.
Fauci, 79 vjeç, ka dalë negativ në testin për sëmundjen COVID-19, por do të testohet në vazhdimësi, ka njoftuar një zëdhënës i Institutit Kombëtar për Alergji dhe Sëmundje Infektive.
