Këshilli Politik i Reformës Zgjedhore do të mblidhet online këtë të hënë në orën 10:00.
Pjesë e tij, do të jenë përfaqësuesi Damian Gjiknuri dhe Rudina Hajdari nga parlamenti dhe Oerd Bylykbashi i PD dhe Petrit Vasili LSI nga opozita jashtë parlamentit.
Kjo mbledhje vjen pas thirrjes së ndërkombëtarëve që iu bë palëve politike.
“Është thelbësore që Këshilli Politik të rifillojë punën në nivel ndërpartiak për reformën zgjedhore edhe në këto kushte të vështira për shkak të Covid-19” – shkruante në Twitter, ambasadori i BE Luigi Soreca, para pak ditësh.
Ndërsa nga ana tjetër, kryetarja e LSI Monika Kryemadhi pas takimit që pati me Bashën dhe aleatët e PD tha se opozita e ka kryer misionin e saj duke dhënë propozime konkrete, ndërsa është momenti që mazhoranca të reflektojë.
