Pas dëmtimit të rëndë që pësoi ndaj Juventusit, mesfushori i Romës, Nicolo Zaniolo, u duk se nuk do të shkelte më në fushë për sezonin 2019-2020, por ndërprerja e futbollit për shkak të pandemisë ka ndezur shpresat e fantazistit verdhekuq për të kontribuuar në arritjen e objektivave të Romës.
Talenti italian ka lënë pas dëmtimin dhe ka nisur stërvitjen e diferencuar me klubin e Romës, nën vëzhgimin e trajnerit Fonseca, por edhe fizioterapistëve të klubit, ndërsa pritshmëritë janë që shumë shpejt të nisë stërvitjen e me topin.
Testet mjekësore kanë treguar se rikuperimi i Zaniolos ka ecur me hapa shumë të shpejtë duke habitur dhe vetë mjekët, ndërsa te Roma “fërkojnë” duart, jo vetëm për faktin që mund të luajë disa ndeshje këtë sezon por që do ta kenë në formë optimale për sezonin e ardhshëm.
