Këngëtarja shqiptare, Gjira Kajtazi ka zgjedhur të rrëfejë raportin e veçantë që ka me nënën e bashkëshortit të saj. Shpesh dëgjohet për raportet jo të mira mes nuses dhe vjehrrës, por për Gjirën, pa vjerrën nuk e di se si do ja kishte dalë.
“Si i ke raportet me vjehrrën?”- i shkruan një ndjekëse e kuriozuar Gjira Kajtazit.
Këngëtarja ka treguar se ka një marrëdhënie të veçantë me vjehrrën dhe ka rreshtuar disa nga cilësitë e saj, si një gjyshe mjaft e dashur e kujdesshme, e që nuk përzihet në çift.
“Vjehrra ime ka rritur 6 fëmijë (pesë vajza dhe një djalë) prandaj tani që jam nënë vetë ia kuptoj dhimbjen, frikën dhe dëshirën. Është një gjyshe shumë e dashur dhe e kujdesshme. Normalisht nuk mund të jemi dakord për gjithçka e ka ndonjë vërejtje/këshillë po prapë e ka për të mirë dhe nuk na përzihet.
Kjo mundet të ndodhë dhe me nënën time sepse dallon koha dhe synimet me jetën e prindërve tonë dhe kohën e sotme. E respektoj në çdo aspekt dhe e falenderoj që s’është dorëzuar deri sa ka lindur Alinë, se s’di ç’do kisha bërë pa të”, – i është përgjigjur këngëtarja shqiptare, duke treguar raportin perfekt me vjehrrën e saj.
