Duket se edhe në Krujë po shohin shpresë, për situatën e COVID-19.
Burime bëjnë me dije se në 24 orët e fundit nga ky qytetet janë marrë 58 tamponë, por asnjëri prej tyre nuk ka rezultuar pozitiv me COVID-19.
Kruja u kthye së fundmi në një vatër të nxehtë infeksioni, pas infektimit të disa punonjësve në fasonerit e qytetit. Kruja është qyteti i dytë pas Tiranës për numrin e sëmurëve aktivë me koronavirus, me 58 gjithsej.
Në rang kombëtar, autoritetet shëndetësore kanë konfirmuar 868 të infektuar në total, ku 650 prej tyre janë shëruar.
