Gjatë “mbretërimit” 26-vjeçar të Sir Alex Ferguson te Manchester United, tekniku legjendar francez njihej për kritikat e ashpra që lëshonte ndaj lojtarëve të tij nëse nuk respektonin urdhrat e tij.
Por siç duket përgjatë këtyre viteve, katër lojtarë ishin imunë nga “zemërimi” i Ferguson dhe kjo ishte vetë zgjedhje e ish-teknikut legjendar. Gjithçka e zbulon Ryan Giggs, i cili duke folur për “BeIN Sport” ka deklaruar se Eric Cantona, Bryan Robson, Roy Keane dhe së fundmi Cristiano Ronaldo, nuk kritikoheshin nga trajneri.
“Kishte rreth katër futbollistë që nuk kritikoheshin kurrë nga trajneri. Ato ishin Eric Cantona, Bryan Robson, Roy Keane dhe Cristiano Ronaldo. Ishin të gjithë fitues me mentalitet të çeliktë, secili në stilin e tij.”
“Ata e kanë bërë gjithmonë detyrën e tyre në fushë dhe Ferguson s’e ka ndjerë kurrë veten t’i kritikojë. Kishte raste kur Cantona nuk bënte asgjë, nuk shënonte, nuk bënte pressing siç bënin Rooney dhe Tevez, nuk kishte ndikim në ndeshje.
“Gjithsesi, Ferguson e dinte që, herët apo vonë, Eric do të bënte diçka të bukur. Ai ishte mjeshtër në psikologji, nxirrte më të mirën nga futbollistët”, deklaron Ryan Giggs, aktualisht trajner i kombëtares së Uellsit.
