Bundesliga 2 e cila pritet të rifillojë sezonin e saj më 16 maj, duket se ka marrë lajme të këqija. Ekipi që militon në kategorinë e dytë, Dynamo Dresden, ka bërë testet e fundit për Covid-19 dhe rezultatet kanë qenë surprizuese.
Klubi gjerman ka njoftuar se dy lojtarë kanë rezultuar pozitivë. Ata janë prekur nga virusi famëkeq dhe nuk luajnë dot futboll, plus që mund të infektojnë shokët apo kundërshtarët. I gjithë ekipi tashmë është futur në karantinë 14 ditore.
Kjo do të thotë se ndeshja e planifikuar për fundjavën e ardhshme kundër Hannover-it do të shtyhet.
