Vendimi i qeverisë një ditë më parë për t’i kaluar pronësinë e Teatrit Kombëtar, Bashkisë së Tiranës, u cilësua si një vendim i turpshëm dhe skandaloz.
Për ish-deputeten e PD, Albana Vokshi, Ramës i ajnë errur sytë nga babëzia dhe po kërkon me të gjitha mjetet që të prishë teatrin Kombëtar.
Vokshi ka shpërndarë postimin e Doris Pack e cila ka hedhur akuza të forta mbi kryeministrin e Shqipërisë.
Ja postim i Vokshit:
#Rama s’pyet as për Komisionin Europian, as për Europa Nostra, #babësia ia ka errur sytë.
Pikërisht, ditët e Europës, kur duhet të prevalonin më shumë se kurrë vlerat Europiane, me një provokim arrogant Edi Rama miratoi VKM Nr. 377, dt. 8.5.2020 me anë të së cilës i kalon truallin e Teatrit Kombëtar, Bashkisë Tirane, pra Erjon Veliajt.
Dihet tashmë, cili është plani Rama-Veliaj: shkatërrimi i Teatrit Kombëtar, grabitja e tokës publike dhe ndërtimi i kullave të larta që do shërbejnë si lavatrice për larjen e parave të pista të drogës, krimit e korrupsionit. Fitimi? Jo më pak se 200 mln Euro që do shërbejnë për blerjen e zgjedhjeve të ardhshme.
Për kë njeh Ramën, nuk ka asnjë çudi, as surprizë në këtë veprim i tij.
Për kë njeh Veliajn, e lidh menjëherë në mendje emrin e tij me cdo projekt korrupsioni shkatërrimi vlerash historike, kulturore, akademike, artistike bë Tiranë. Kujtoni pak Kopshtin Botanik… E njëjta formulë me atë të Teatrit Kombëtar.
Edi Rama ia ka vënë syrin Teatrit Kombëtar që në vitin 2000. Prej 20 vitesh, në cdo detyrë shtetërore: si ministër kulture, Kryebashkiak i Tiranës, e tani Kryeministër, ai ka lëvizur çdo gur, ka përdorur cdo menyrë për të shembur Teatrin Kombëtar.
Pasi provoi çdo mjet tjeter antikushtetues, antiligjor, pasi përdori gjithë grupin parlamentar e çdo ministër të qeverisë, tani po përdor gurin e fundit, atë më të (sh)përdorshmin, Erjon Velinë. Personi që nuk njeh asnjë limit, që s’ka lëne gjë të zezë pa i bërë Tiranës, e tani kërkon t’i shkatërrojë edhe teatrin, një vlerë të çmuar të trashëgimisë së saj kulturore. Sepse Veliaj, përvecse s’ka moral, është njeriu më antivlerë e që nuk ka asnjë lidhje as me Tiranën, e aq më pak me Teatrin Kombëtar dhe atë që ai përfaqëson.
Në një kohë që Europa Nostra e ka përzgjedhur ne listën e 7 siteve më të rrezikuara të trashëgimisë kulturore europiane, e kur Komisioni Europian ka shprehur mbështetje, plani Rama-Veliaj bie ndesh me vlerat Europiane.
Një gjë është e sigurt, historia ka treguar që në fund, e mira fiton mbi të keqen. Pas dy vitesh, si për inat të Ramës, Teatri Kombëtar ngrihet i madhërishëm, falë mbrojtjes epike të Aleancës Për Mbrojtjen e Teatrit dhe qytetarëve të Tiranës.
Edhe këtë herë, jam e sigurt që vlerat shqipëtare dhe europiane, do fitojnë mbi antivlerat.
E atëherë, pa asnje hezitim, cdokush që ka qenë organizator apo pjesëmarres në këtë krim, në këtë puc institucional, duhet të shkojë para drejtësisë e të marrë ndëshkimin që meriton.
Doris Pack
