Lajme të mira vijnë nga Kosova në lidhje me situatën e koronavirusit.
Në 24 orët e fundit vetëm një person ka rezultuar pozitiv me COVID-19 nga 243 teste të realizuara. Rasti i ri është rast kontakti nga Prishtina.
Lajmin e ka bërë të ditur Instituti Kombëtar i Shëndetësisë Publike të Kosovës.
Në total numri i të infektuarëve me koronavirus në Kosovë ka arritur në 862, nga 9.557 teste të kryera.
Gjatë 24 orëve të fundit, 61 pacientë të tjerë e kanë fituar betejën me COVID-19, duke e çuar në 622 numrin total të të shëruarëve.
Sot nga Klinika Infektive është raportuar edhe një viktimë, i gjinisë mashkull me moshë 77 vjeç nga Rahoveci. Pacienti ishte hospitalizuar në Klinikën Infektive dhe trajtuar nga data 27 prill dhe ishte dhe me sëmundje shoqëruese: Insuficiencë renale terminale, Hemodializë të rregullt.
Gjithësej nga COVID-19 në Kosovë kanë ndërruar jetë 28 persona.
