Shefja e spitalit Infektivit, Najada Çomo, ka publikuar moment nga puna e përditshme e bluzave të bardha të cilët u shërbejnë të infektuarve me COVID.
Çomo sjell rastin e punonjëses së Qendrës Spitalore Universitare “Nënë Tereza”, Rovena Rushiti, në fytyrën e së cilës shihen shenjat e një dite të lodhshme.
Shefja e Infektivit shprehet se “pamja e Rovenës ju tregon që lufta ndaj COVID-19 vazhdon dhe vëmendja nuk duhet ulur”.
“Rovena, e përkushtuar, e saktë, e palodhur. Mirënjohje për ty Rovena Rushiti! Pamja e Rovenës ju tregon që lufta ndaj Covid-19 vazhdon dhe vëmendja nuk duhet ulur”, apelon Çomo, duke këshilluar qytetarët që të vazhdojnë të zbatojnë rregullat për parandalimin e përhapjes së COVID-19.
