Nënkryetari i LSI-së, Petrit Vasili, akuzon kryeministrin Edi Rama se po dhunon haptas ligjin duke kapur edhe ekspertizën shkencore për pandeminë.
Referuar përbërjes së Komitetit të Ekspertëve, Vasili tha për Ora News se ky është një Komitetit Politik, në përbërje të të cilit ka vetëm një epidemiologe.
Vasili: Kryeministri, Ministrja, Zv.Ministrja dhe ca ekspertë, ky ishte Komitet Politik dhe jo Komiteti i Ekspertëve. Çfarë turpi! Edi Rama kap edhe ekspertizën shkencore për Pandemine duke bërë copë copë Ligjin “Per mbrojtjen nga semundjet ngjitese”. Inkuizicion mendimit të shkencës dhe teknikëve për hesap te politikës së ditës të Edi Ramës.Vetëm e vetëm një epidemiolog në gjithe grupin. Flasin për Pandeminë dhe ka vetëm një epidemiologe(S.Bino) kur duhej te ishte totalisht e kundërta.
Vasili thotë se Komiteti i ekspertëve duhet të drejtohet sipas ligjit nga ekselenca mjekësore dhe jo nga Edi Rama.
Vasili: Komiteti diskuton mes vetes dhe prodhon opinione dhe propozime shkencore te pavarura, që qeveria megjithe Ramë brenda duhet ti zbatoje. Komiteti i ekspertëve u shndërrua në Komitet Partie.
Po çfarë kërkon LIGJI Nr. 15/2016 “për parandalimin dhe luftimin e infeksioneve dhe sëmundjeve infektive ?”
Ne Nenin 24 pika 7 dhe 8 te Ligjit percaktohet ne menyre taksative :
“7. Veprimtaria e grupeve të ekspertëve bazohet në parimet e ekselencës, pavarësisë,
paanësisë dhe transparencës”.
“8. Çdo ekspert duhet që, përpara çdo vlerësimi, të plotësojë një deklaratë të konfliktit të
interesit dhe përkushtimit, duke përfshirë këtu çdo aktivitet, pozicion, rrethanë ose fakte që
përfshijnë interesa të lidhur, në mënyrë direkte apo indirekte, me atë që ai do të kryejë, në
mënyrë që të identifikohen interesat që mund të konsiderohen të dëmshme për pavarësinë e këtyre ekspertëve.”
