Një person ka ndërruar jetë pas mesditës pasi ka rënë nga kati i 7 i banesës, në Durrës. Policia bën me dije se dyshohet se ngjarja ishte aksidentale, ndërkohë shton se viktima kishte probleme të shëndetit mendor.
“Rreth orës 12:30, në lagjen Nr.17, Durrës, është rrëzuar aksidentalisht nga kati 7-të i banesës, shtetasi G.D.,47 vjeç, i cili dyshohet se vuante nga shëndeti mendor e për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”, bëri me dije policia lokale.
