Dy shpërndarës droge janë arrestuar në kryeqytet në kuadër të operacionit “Combination”.
Pas informacioneve të marra në rrugë operative, uniformat blu kanë vënë në pranga dy shtetasit H. H., 29 vjeç dhe A. A., 26 vjeç, banues në Tiranë.
“Në bashkëpunim më njëri-tjetrin, këta shtetas merreshim me shpërndarjen e lëndës narkotike cannabis sativa. Gjatë kontrollit të këtyre shtetasve dhe kontrollit në banesa u gjetën dhe u sekuestruan disa doza me lëndë narkotike, një shumë prej 404.000 lekësh të reja dhe 4 telefona celular të markave të ndryshme.” – thuhet në njoftimin e policisë.
Ndërkohë që janë proceduar penalisht edhe 2 personat që blinin lëndën narkotike. Bëhet fjalë për shtetasit A. Xh., 21 vjeç dhe D. V., 23 vjeç, banues në Tiranë;
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e narkotikëve”, e kryer në bashkëpunim, në ngarkim të shtetasve H. H. dhe A. A., si dhe për veprën penale “Prodhimi dhe shitja e narkotikëve”, në ngarkim të shtetasve D. V. dhe A. Xh.
